Mediat greke kanë publikuar foton e 23-vjeçarit shqiptar i cili u arrestua ditën e sotme për vrasjen e një 19-vjeçari grek në Selanik. Shqiptari, identiteti i të cilit nuk dihet ende ishte me banim në Selanik dhe kishte leje qëndrimi të përkohshme në Greqi. Sipas mediave greke 23-vjeçari njihet nga autoritetet për “dhunën” e tij pasi konsiderohet si huligan mizor dhe është i dënuar për një rast dhune nga tifozët në vitin 2019. Mësohet se ai është arrestuar në një stendë të tifozëve të organizuar të një skuadre, ku policia po kryente një operacion pas ankesave në departamentin e dhunës sportive.
Autori është identifikuar edhe nga targat e makinës së tij. Ai dyshohet se ka pranuar se ka qenë i pranishëm në ngjarje, pa e pranuar fillimisht përfshirjen e tij në të. 19-vjeçari Alkis Kampanos u gjet i vdekur në orët e para të së martës në Selanik pasi ishte masakruar me thika në gjithë trupin. Arrestimi i vrasësit të Alkis Kampanos, një akt tmerri që ka tronditur gjithë Greqinë, ka ndodhur në një moment kur familja e 19-vjeçarit i jepte lamtumirën e fundit studentit.
Shqiptari që është identifikuar nga hetuesit e Policisë greke si vrasësi i 19-vjeçarit Alkis, ishte një nga tre të dyshuarit që u shoqëruan në policinë e Selanikut. Ditën e sotme, 23-vjeçari u arrestua pasi u identifikua nga pamjet video si personi që hynte dhe dilte nga dy makinat që drejtoheshin nga skuadra prej rreth 10 huliganësh që sulmuan në mënyrë të paprovokuar 19-vjeçarin Alkis Kampanos dhe dy miqtë e tij pak metra nga stadiumi i futbollit Aris Selaniku. Një nga dy shokët e Alkisit, i rrahur edhe nga huliganët që vranë studentin 19-vjeçar, ka verifikuar me dëshminë e tij se vrasësi i të riut ishte 23-vjeçari. Shqiptari është personi i identifikuar nga një prej dy shokëve të studentit të vdekur. Sipas informacioneve, në materialin e gjetur nga kamerat rreth vendit të vrasjes në zonën e Charilaou, 23-vjeçari me origjinë shqiptare duket se mban thikën me të cilën u vra brutalisht Alkis Kampanos.
https://www.youtube.com/watch?v=iJY53hCNTHQ
