Policia po kontrollon me skaf dhe dron për kapjen e një personi pasi nuk i është bindur urdhrit për ndalim në një postbllok në hyrje të qytetit te vendi i quajtur Rrapi.
Shoferi ka mundur të arratiset me makinë, ndërsa blutë janë vënë në kërkim për kapjen e tij. Pas pak për ngjarjen pritet të ketë edhe një njoftim zyrtar nga drejtoria e Policisë Vlorë.
Policia ndërkohë ka shtuar kontrollet në zonë, ndërsa po kryhen inspektime edhe në breg të detit ku ka gjetur edhe një pistoletë që dyshohet se e hodhi “i forti” pas arratisjes. Ende nuk kemi të dhëna mbi identitetin dhe shkakun e kësaj përplasje që ka pasur ky person me policinë.
NJOFTIMI POLICISE
“Në lagjen Nr.1, Sarandë, shërbimet e Policisë kanë konstatuar automjetin me të cilin lëvizte 29-vjeçari dhe menjëherë i kanë bërë shenjë ndalimi. Drejtuesi i mjetit shtetasi A. K, nuk i është bindur urdhërit të Punonjësve të Policisë për të ndalur dhe ka vijuar me shpejtësi duke rrezikuar seriozisht jetën e punonjësve të policisë. Drejtuesi i mjetit ka kryer manovra të rrezikshme në rrugë duke përplasur dhe një automjet tjetër dhe për të fshehur provat ka hedhur në det armën e zjarrit pistoletë që mbante me vete”
