Rrapo dhe Savete Çika janë gjetur të pajetë në shtëpinë e tyre në fshatin Borsh të Himarës. Çifti i të moshuarve jetonin të vetëm, teksa ditët e fundit ishin të infektuar me COVID 19.
Një shkëndije elektrike në dyshekun me korrent, besohet të jetë bërë shkak për vdekjen e tyre. 71 vjeçarja është asfiksuar, ndërsa 83 vjeçari ka plagë djegie ne gjymtyrë. Ata janë gjetur në mëngjes nga dhëndri i cili, shkonte për t’u çuar ilaçe dhe ushqime.
Fatkeqësisht çifti Çika nuk ka mundur të dalin në kohë nga banesa dhe kanë humbur jetën si pasojë e asfiksisë nga tymi. Forcat zjarrfikëse kanë bërë të mundur shuarjen e flakëve, teksa vijojnë hetimet për zbardhjen e shkaqeve të zjarrit.
Sipas burimeve të policisë, dyshohet se dy bashkëshortët kanë ndërruar jetë si pasojë e asfiksisë për shkak të djegies së batanijes me korrent me të cilën flinin, për t’u ngrohur. Hetuesit dyshojnë se batanija me korrent ka marrë flakë dhe më pas zjarri përfshiu edhe jorganin dhe batanijet me të cilat ishin mbuluar, duke bërë që ata të asfiksohen.
