Një 40-vjecar nga fshati Izvor i Memaliajt është arrestuar nga policia, pasi ka goditur me grusht administratorin e Luftinjës. Policia thotë se goditja ka qenë për shkak të detyrës. Më poshtë njoftimi i plotë.
Goditi për shkak të detyrës administratorin e Njësisë Administrative Luftinjë, vihet në pranga 40-vjeçari.
Specialistët e Seksionit për Hetimin e Krimeve në Komisariatin e Policisë Tepelenë arrestuan në flagrancë shtetasin I. H., 40 vjeç, banues në fshatin Izvor, Memaliaj, pasi për shkak të detyrës ka goditur me grusht, në fytyrë, shtetasin A. H., 48 vjeç, banues në fshatin Izvor, me detyrë administrator i Njësisë Administrative Luftinjë.
Materialet në ngarkim të shtetasit I. H. i kaluan Prokurorisë pranë Gjykatës së Shkallës së Parë Gjirokastër, për veprën penale “Goditje për shkak të detyrës”.
