UEFA do të zhvendosë finalen e Ligës së Kampionëve të këtij sezoni nga Shën Petersburg i Rusisë në Paris të Francës.
Presidenti i UEFA-s, Aleksander Ceferin, kryesoi një takim të jashtëzakonshëm të Komitetit Ekzekutiv të premten (sot), ku u vendos që të zhvendoset finalja e Championsit larg nga Shën Petersburg pas sulmit ushtarak në Ukrainë të udhëhequr nga presidenti rus Vladimir Putin.
Në vend të kësaj, finalja do të shkojë në “Stade de France” në Paris, siç raportohet fillimisht nga “New York Times”.
Kryeqyteti francez ka pritur për herë të fundit finalen e Kupës Evropiane në vitin 2006, kur Barcelona mposhti Arsenalin 2-1.
