Dy pika karburanti kanë shitur naftë me cmim më të shtrenjtë se ai që kishte caktuar bordi. Rama njofton se ndaj tyre është vendosur gjobë maksimale. Ndërsa paralajmëron se javën tjetër do të nisë sekuestrimi.
Postimi i Ramës:
“Sot janë kapur dy pika karburanti në Tiranë dhe Vlorë me faturime mbi çmimin e caktuar për të gjithë. Subjektet janë gjobitur me maksimumin ligjor. Duke nisur nga java tjetër do të hyjë në fuqi sekuestrimi në vend i çdo pike karburanti që ngre qoftë edhe një qindarkë çmimin e shpallur paraprakisht nga Bordi i Administrimit. Boll i ngre çmimet papushim kriza e shkaktuar nga lufta në Ukrainë, çdo ngritje për fitim në kurriz të popullit do të ndëshkohet siç e kërkon kjo gjendje lufte në tregjet ndërkombëtare.”
