Një anije e madhe ruse është shkatërruar në portin e pushtuar nga Rusia të Berdyansk-ut, në Ukrainën juglindore. Lajmin e bëri të ditur marina ukrainase të enjten.
CNN raporton se nuk ka mundur që t’i verifikojë deklaratat e Marinës, megjithatë pamje në mediat sociale tregojnë një zjarr shumë të madh me shpërthime dytësore në port.
Kujtojmë se Berdyansk-u ndodhet në detin Azov dhe është afërsisht 45 milje në jugperëndim të Mariupolit. Qyteti ka një bazë të vogël detare dhe një popullsi prej rreth 100,000 banorësh.
Trupat ushtarake ruse pushtuan për herë të parë ndërtesat qeveritare të Berdyansk-ut më 27 shkurt.
Video of the Black Sea Fleet’s Saratov Project 1171 large landing ship on fire in the port of Berdyansk and two Project 775-class large landing ships departing port. At least one of the two is also on fire.https://t.co/5ogDVTpkC3 pic.twitter.com/s7hDcSKtwQ
— Rob Lee (@RALee85) March 24, 2022
