Në disa komisariate të vendit është organizuar një protestë nga ana e Komisionit të Rithemelimit të PD në lidhje me ngjarjen e rëndë të ndodhur disa ditë më parë në Kavajë, ku u vetvar në ambientet e Komisariatit, i riu Ilvi Meta.
Ish-kryeministri Sali Berisha, duke hedhur akuza të forta për policinë dhe qeverinë tha se këtu të rinjte futen të gjallë në qeli dhe dalin me arkivol. Gazetarja e Report Tv Rovena Cerka e pyeti Berishen pse nuk ka pasur asnjë pendim apo qiri për 4 të vrarët para zyrës së tij 21 janarin e vitit 2011. Ai jo vetëm që nuk denjoi të ndizte një qiri për çdo jetë të pafajshme të humbur në mënyrë tragjike por nuk la baltë pa hedhur mbi viktimat.
Pyetjes së gazetares Berisha iu shmang menjëherë duke shkuar tek një tjetër ngjarje e tij, ajo e Gërdecit. Berisha vazhdoi sërish me gënjeshtrën se protestuesit e 21 janarin kishin plumba dhe pastaj foli për Gërdecin, ngjarje për të cilën nuk u pyet.
“Kanë humbur jetën 4 njerëz në një demonstratë po gjuhej me plumba. Ka pasur shenja plumbash. Unë kam qenë i pari që kam kërkuar që të shpallej ‘vrasje shtetërore pa dashje’ për Gërdecin për shkak se garantimi i sigurisë ka qenë i Ministrisë”, tha ai.
Kujtojmë se Berisha çdo vit në mënyrë sistematike ka përsëritur se ai ishte shumë i vendosur për të mbrojtur godinën e Kryeministrisë dhe s’do kishte tërheqje prapa dhe sikur 300 apo 3000 protestues të ishin vrarë nga Garda.
“S’kam asnjë lloje shqetësimi, vetëm dhimbje për viktimat e 21 Janarit, sepse kam qenë në zyrën time, i sulmuar. Garda bëri detyrën që i takon në bazë të ligjit, shikoni ligjin”, ka thënë Berisha në vazhdimësi.
Ndaj propozimi i Berishës për të ndezur qirinj në nder të Ilvi Metës është thjesht një qëndrim prej një politikani ‘makiavelist’ që kërkon të përfitojë politikisht nga çdo situate e mundshme.
