Një banesë në Memaliaj është shkrumbuar nga flakët. Ngjarja ka ndodhur në lagjen nr 5 të Memaliaj.
Mësohet se falë ndërhyrjes së autoriteteve është bërë e mundur edhe shpëtimi i katër pjesëtarëve të familjes, të cilët kishin pësuar djegie të lehta. Zjarri ka rënë në banesën e Fatmir Shehut, dhe të katër pjesëtarët e familjes Shehu janë dërguar në spitalin e Tepelenës për të marrë kujdes shëndetësor.
Sipas hetimeve paraprake zjarri në banesë dyshohet një qiri i ndezur në dhomën e gjumit.
NJOFTIMI POLICISE PER NGJARJEN
Rreth orës 21:30, në Memaliaj, ka rënë zjarr në banesën e shtetasit F. Sh., rreth 50 vjeç. Menjëherë pas marrjes së njoftimit, në vendngjarje kanë shkuar shërbimet zjarrfikëse dhe shërbimet e Policisë, të cilat kanë bërë të mundur nxjerrjen e 4 shtetasve që ndodheshin në banesë. Për shkak të asfiksisë nga zjarri, shtetasi F. Sh. është transportuar në spitalin Rajonal Gjirokastër, për të marrë ndihmën mjekësore.
Nga veprimet e para hetimore dyshohet se zjarri ka rënë për shkak të pakujdesisë së shtetasve që ndodheshin në banesë. Në vendngjarje ndodhet grupi hetimor, i cili po punon për sqarimin e rrethanave të ngjarjes.
