Avokati Esmerald Xhafa ka depozituar kallëzim në Prokurori për Ministrin e Kulturës dhe për Drejtorin e Muzeut Kombëtar të Artit Mesjetar dhe drejtorin e muzeut “Gjon Mili”.
Avokati ka bërë kallëzim pasi institucionet kanë lejuar që Donald Veshaj, Romeo Veshaj dhe Elgit Doda të zhvillojnë klipin për këngën “Picasso” në këtë ambiente.
Avokati është shprehur se në ambientin e muzeut as nuk lejohet të fotografosh se “blici” dëmtojnë afresket.
“Një klip, i cili është zhvilluar në muzeun Kombëtar të Artit kombëtar. Është e ndaluar në muze të fotografosh e jo të bëhen ata lloj skemash. Drita dhe blicat dëmtojnë afresket e ekspozuara në muze.
Kam bërë kallëzim për drejtorin e muzeut si dhe drejton e “Gjon Milit”. Mjafton që të merren kamerat për të para se çfarë ka ndodhur” tha avokati.
Në lidhje me këtë ka reaguar edhe drejtuesja e Muzeut Kombëtar të Artit Mesjetar, Fjoralba Prifti. Ajo është shprehur se i gjithë klipi është realizuar duke plotësuar kushtet e duhura dhe se për klipin ka dhënë leje vetë Ministria e Kulturës.
