Një urdhër arresti evropian është lëshuar nga Prokuroria e Apelit ë Selanikut për bariun shqiptar 48 vjeç, i cili u identifikuar si autori i dyshuar për përdhunimin e një 22 vjeçarje në një plazh në Halkidiki në fund të muajit të kaluar.
Gjurmët e tij janë zhdukur pas përfshirjes së tij në këtë rast dhe nuk përjashtohet mundësia që ai të jetë arratisur jashtë vendit, shkruan media helene, Prothema.gr.
48 vjeçari shqiptar kishte hyrë në ë “kornizën” e hetimeve dhe ishte bërë i akuzuari i çështjes, pas identifikimit të materialit gjenetik të tij me atë të viktimës. Një mostër e ADN-së u mor nga vendin ku ai jetonte dhe u testua në një laborator.
