Arrestohet pas disa orësh autori i vrasjes së dyfishtë në Tiranë. Arsen Muskurti vrau me pistoletë vëllanë dhe kunatën e tij, Dritan dhe Nora Muskurtin pas sherreve për pronësinë. Ngjarja ndodhi në rrugën “Islam Alla”, në afërsi të Rrugës së Kavajës. Dy vëllezërit kanë qenë ortakë në agjencinë turistike, por më pas ishin ndarë. Mes shumë konfliktesh, viktima kishte kërkuar mbrojtje në polici pas sherreve me vëllanë.
Ministri i Brendshëm Bledi Çuçi ka përgëzuar Policinë e Shtetit për arrestimin e Arsen Muskurtit i cili vrau vëllain dhe kunatën e tij.
Çuçi thotë se institucioni që drejton është i vendosur për të goditur krimin.
“Përgëzime Policisë së Tiranës që në kohë rekord arrestoi autorin e dyshuar të ngjarjes së rëndë me dy jetë të humbura. Të vendosur për të goditur krimin, me bindjen se vetëm kështu krijojmë siguri për shoqërinë dhe nuk vëmë në rrezik të ardhmen tonë”, shkruan Çuçi.
