Lazarati kishte mundësi të bënte gjakderdhje gjatë operacionit policor të vitit 2014, madje oficerët e Policisë së Shtetit që ndërhynë aty, do t’i habin korbat. Të paktën kështu është shprehur një i moshuar gjatë takimit të sotëm me Sali Berishën në Lazarat. Ai hodhi akuza të rënda ndaj kryeministrit Edi Rama, për të cilin tha se ha e pi me Millosheviçin, edhe pse ky i fundit në fakt ka disa vite që ka vdekur.
“Sot na ke kthyer buzëqeshjen i dashur doktor. 8 vjet në këtë shesh këtu shikoje vetëm tanke e blinda, armë të sofistikuara vetëm për të shtypur Lazaratin. Megjithatë këtu nuk u bë asnjë gjakderdhje. Nuk vrau njeri Lazarati. Me atë që bënë ata, ne kishim mundësi, që edhe korbat t’i hanin ata. Po ne nuk e bëmë këtë se ata ishin djemtë tanë. Ne ishim për paqen, por kjo ishte një dinakëri e poshtër e atij kriminelit të rrezikshëm (Edi Rama), që ha e pi me Milloshevicin. Ai është një qen bir qeni që nuk e ka shokun, njeriu më i ndyrë që ka ekzistuar që nga shekulli i 18”, deklaroi i moshuari përpara Sali Berishës.
Sali Berisha ka deklaruar më herët se ishte politikë e tij e qëllimshme të lejonte kultivimin e kanabisit në Lazarat edhe pse kjo ishte e kundërligjshme. ©argjiroja.net
