Në fjalimin që është duke zhvilluar në këtë momente në Ministrinë e Jashtme, kryeministri Rama u tregua i ashpër me ambasadorët tonë jashtë vendit. Rama u shpreh se duhet një përmbysje e madhe, një ripërtëritje dhe kreativitet në Ministrinë e Jashtme, gjë e cila ka 20 e ca vite që nuk ndodh.
Po ashtu, mes të tjerat kryeministri bëri publike edhe formimin e një ministrie të re, ministinë e shtetit jashtë atdheut, pra një Ministri të Diasporës.
Ndonëse Rama ka paralajmëruar më herët shkurtim dhe shkrirje të ministrive aktuale, duket se do të ketë edhe shtim ministrish, si ajo e Diasporës. Kujtojmë këtu se kjo ministri është kërkuar edhe më herët nga çamët.
