Dy sherre kanë ndodhur një ditë më parë në lagjen ‘Palorto’ në Gjirokastër. Siç njofton policia, protagonistë kanë qenë në njërin rast burrat, të cilët janë qëlluar me grushte me njëri-tjetrin.
Ndërsa rasti tjetër është një përplasje verbale mes dy grave. Materialet janë referuar në Prokurorinë e Gjirokastrës për secilin rast.
“Më datë 29.08.2017, u referuan materialet në Prokurorinë e Rrethit Gjyqësor Gjirokastër, për shtetasit P.ZH dhe B.E, vjeç 59 e 63, banues në Gjirokastër, pasi dyshohet se, në lagjen Palorto, kanë goditur me grushte njëri tjetrin”, thuhet në njoftimin e parë.
Ndërsa për ngjarjen e dytë policia raporton se u referuan materialet në Prokurorinë e Rrethit Gjyqësor Gjirokastër, për shtetasen M.S, vjeç 41, banuese në Gjirokastër, pasi dyshohet se në lagjen “Palorto”, ka fyer me fjalë shtetasen R.X, vjeç 57, banuese në Gjirokastër.
/ArgjiroLajm.net/
