Kryeministri Edi Rama e ka konfirmuar vetë atë që përflitej prej kohësh se ministrat e kabinetit të ri nuk do të dorëzojnë mandatin e deputetit. Sipas tij nuk do të ndiqet praktika e para katër viteve me qëllim që të ketë një kompaktësi më të madhe mes ministrave dhe grupit parlamentar.
“Nuk do ta ndjekim këtë praktikë, jo pse nuk funksionoi në mandatin e parë, por sepse na duhet të kemi një kompaktësi të plotë dhe ministrat duhet të kenë një lidhje shumë më të fortë me grupin parlamentar se mandatin e parë”– ka thënë Rama në një intervistë për gazetën ‘Panorama’.
Sa i përket qarkut Gjirokastër, ndonëse Mirela Kumbaro u konfirmua në krye të Ministrisë së Kulturës, ajo do të vazhdojë ta mbajë mandatin e deputetit, duke i hequr kështu mundësinë Artemis Dralos për të hyrë në Kuvend.
/ArgjiroLajm.net
