Që në ditën e parë të mandatit të sapo nisur mes këshilltarëve të koalicionit “Bashkë Fitojmë” në Gjirokastër ka ndodhur një tjetër përçarje. Eri Shehaj, i cili është edhe drejtues i PD-së së Berishës, thotë se nuk do të jetë më pjesë e grupimit të këshilltarëve të koalicionit “Bashkë Fitojmë”.
“Une besoj se do tju perfaqesoj denjesisht ju ne kete mandat katër vjecar qe ju me besuat dhe nuk do behem pjese e kulisave dhe pazareve me PS por do jem zeri juauj ne kete legjislatur. Qe nga sot nuk do jem me pjese grupit te keshilltareve te kualicionit Bashke Fitojme por do jem zeri juaj ne kete Keshill Bashkiak”, shkruan Shehaj në Facebook.
Po çfarë ka ndodhur? Përplasja është rrjedhojë votimit pro të 5 anëtarëve të koalicionit “Bashkë Fitojmë” ndaj zgjedhjes së kryetarit të ri të Këshillit Bashkiak, Merita Isaraj, si dhe përfaqësuesve të Bashkisë Gjirokastër në Këshillin e Qarkut; Lindita Rova, Sokol Feruni, Gentian Llogo dhe Armand Hilaj.
Pra, këshilltarët e opozitës votuan pro propozimeve të mazhorancës. Dhe veç kësaj, Shehaj ka kundërshtuar zgjedhjen e Dasho Alikos në krye të grupit të këshilltarëve të opozitës pasi këtë pozicion e pretendonte vetë.
Kush ka menduar se të paktën në këtë mandat të ri do të ketë një lloj opozite në Këshillin Bashkiak të Gjirokastrës, thjesht gabohet. Ata pak këshilltarë që janë katandisur treguan se do votojnë njësoj si këshilltarët e PS-së. Kjo puna e opozitës të kujton atë shprehjen. Lumi që mori Vunonë, pse s’mori dhe Qeparonë. ©argjiroja.net
