Gjykata e Posaçme kundër Korrupsionit dhe Krimit të Organizuar ka dhënë dje masat praprake të sigurisë, për ish-shoferin e Ardi Veliut, gruan e tij dhe personat e tjerë të arrestuar, si pjesë e të njëjtit grup kriminal.
Ata fusnin kontrabandë para, diamante dhe bizhu të tjera, të vjedhura në Francë dhe shtetet e tjera evropiane.
Sokol Idrizaj, ish-shoferi i Ardi Veliut – Arrest me burg
Elda Idrizaj, bashkëshortja e Sokol Idrizaj – Arrest me burg
Bora Idrizaj, vajza e Sokol Idrizaj – Arrest shtëpie
Egi Idrizaj, vajza tjetër e Sokol Idrizaj – Detyrim paraqitje
Dejvi Skenderaj -detyrim paraqitje
Vangjush Kashara – Arrest me burg
Tomorr Baruti – Arrest me burg
Gentian Aga – Arrest me burg
Alid Shehi – Arrest me burg
Altin Dode – Arrest me burg
Florion Baku – Arrest me burg
Agustin Mesuli Arrest me burg
Me kërkesë të SPAK, Gjykata e Posaçme ka firmosur 17 urdhër-arreste dhe janw ekzekutuar deri tani 12-të. Hetimet për këtë rast kanë nisur muaj më parë, në vitin 2022, pasi autoritet policore në Francë kanë rënë në gjurmët e grupeve kriminale që merreshin me kontrabandimin e mallrave me vlerë.
Sipas organit të akuzës, bëhet fjalë për dy grupe kriminale që kanë vepruar të lidhur me njëri-tjetrin.
Gjithashtu, në kuadër të aktivitetit të paligjshëm kriminal rezulton se personat nën hetim si dhe bashkëpunëtorët e tyre kishin mbështetjen dhe përkrahjen e disa punonjësve të policisë dhe doganës të planizuar me shërbim pranë PKK Port-Durrës.
Si funksiononin të lidhur të dy grupet
Në lidhje me grupin e parë, rezulton se personat nën hetim pas grumbullimit të sendeve të vjedhura në territorin francez dhe shumave monetare që rridhnin nga veprimtaria kriminale, pasi i depozitonin në një hotel, ua jepnin ato në dorëzim për t’i transportuar në mënyrë të paligjshme në Shqipëri.
Në lidhje me grupin e dytë, rezulton se, personat nën hetim, në bashkëpunim me anëtarët e grupit të parë, kanë ushtruar veprimtarinë e tyre kriminale duke transportuar shuma monetare në sasi të madhe, dhe të padeklaruara nga Shqipëria-Francë.
Këto shuma të përdorura për blerjen e sendeve të luksit, kapin një shifër prej 724,386 euro, shifër kjo që i përket vetëm transaksioneve bankare, pa përfshirë këtu shumat në cash të cilat janë transportuar nëpërmjet kufirit shtetëror në mënyrë të paligjshme që kapin vlerën e 2.113.000 Euro dhe 35.000 Franga.
Përveç këtyre shumave monetare personat nën hetim kanë transportuar në mënyrë të paligjshme edhe rreth 3.4 kg sende të çmuara (flori). Produktet e luksit të blera në territorin francez nga këta shtetas janë transportuar në Shqipëri nga vetë ata si dhe bashkëpunëtorët e tyre nëpërmjet kompanive të transportit Francë-Shqipëri.
Këto sende më pas janë futur kontrabandë në territorin shqiptar, të cilët janë shitur tek persona të ndryshëm duke fshehur njëkohësisht edhe të ardhurat e fituara nga ky aktivitet i paligjshëm.
