Gjykata e Fierit ka dënuar me nga 19 vite burg dy autorët që vranë dhe hodhën në kanal Florian Selimin.
Është dënuar me 19 vite burg Sadri Selaçi 30 vjec dhe po ashtu me 19 vite burg është dënuar dhe Kiri Mernica 24 vjeç.
Personat në fjalë në bashkëpunim me njëri tjetrin, për motive të dobëta, vranë me thikë 23-vjeçarin dhe më pas e hodhën në kanal.
Viktima u gjet mëngjesin e 14 gushtit të 2019 në një kanal, ndërsa shumë pranë trupit të pajetë ishte edhe një makina e tij me gomë të hequr dhe me kofano të hapur.
23-vjeçari Florian Selimi ishte goditur me thikë në qafë dhe trupi i tij ishte tërhequr për disa metra nga vendngjarja.
