Anëtari i Akademisë së Shkencave, Artan Fuga ka reaguar për projektligjin e qeverisë për studentët e mjekësisë, duke thënë se mos dhënia e diplomës së studentëve të mjekësisë nuk është zgjidhje.
Qeveria mori sot vendimin për projektligjin që detyron studentët e mjekësisë të punojnë deri në 5 vite pas mbarimit të studimeve në Shqipëri, të cilin ata e kanë kundërshtuar.
Fuga thotë se Gjermania kërkon vetëm listën e notave nga studentët dhe konfrontimin e saj me numrin e provimeve, e më pas u jep diplomën gjermane.
Akademiku shton se personat që kanë propozuar projektligjin nuk dinë se si funksionin sistemi perëndimor përsa i përket arsimit dhe pretendon se janë mashtruar.
Reagimi i Artan Fugës
Une jam i bindur se mbajtja e diplomes pa dhene studenteve te Mjekesise nuk eshte nje zgjidhje, sikurse synon projektligji. Gjermania apo kushdo vend mjaftohet me listen e notave dhe konfrontimin e saj me numrin e provimeve dhe ben ekuivalentimin menjehere, u jep edhe diplomen gjermane. E sigurt!
Iniciuesin e projektligjit e kane mashtruar rende, dhe mire ja kane bere kur nuk ja ka haberin si funksionon sistemi perendimor.Te vjen te qash, por edhe t’ja plasesh gazit.
E hedhin edhe ne gjyq ne strasburg shtetin dhe marrin edhe demshperblim te majme. Ligjvenesit duhet ta kuptojne kete, kjo nuk eshte zgjidhja. Ka zgjidhje shume me te mira, por kush pyet.
Le te jete atehere, ben edhe shume vape per te insistuar ne vogelsira te tilla cmendurake.
