Një i ri nga Gjirokastra përfundoi në Prokurori pas dhunoi me sende të forta një 29-vjeçar nga fshati Lazarat.
Ngjarja ndodhi në lagjen ’18 Shtatori’ një ditë më parë.
Siç njofton policia e Gjirokastrës, sherri ndodhi për motive të dobëta. Më poshtë njoftimi i plotë për ngjarjen.
Në datë 22.09.2017, u referuan materialet në Prokurorinë e Rrethit Gjyqësor Gjirokastër, për shtetasin E.N, 19 vjeç, banues në Gjirokastër, pasi, në datën 22.09.2017, rreth 12:00, në lagjen “18 Shtatori” për motive të dobëta, ka goditur me sende të forta në fytyrë shtetasin B.T, 29 vjeç, banues në fshatin Lazarat, Gjirokastër. Neni 90 i Kodit Penal.
