Deputeti i PD-së, Gazmend Bardhi i I ftuar në emisionin ‘Frontline’, në Report TV ka deklaruar se disponon një video ku Lulzim Basha shfaqet në një nga garazhet e një prej oligarkëve në Shqipëri, për kullën ‘Mali i Tiranës’.
Bardhi theksoi se madje Basha i denonconte e më pas u kërkonte falje me pretekstin se i bënte për hir të politikës.
“Për Bashën e kam informacionin pasi ka bërë denoncimin dhe e ka çuar në prokurori ka shkuar dhe është lutur në garazhd. Kjo tregon sa i vërtetë është ai. Del ditën e bën akuza kurse natën i shkon në garazhd e thotë është lojë politike. Basha erdhi i kurdisur për të bërë debat me mua dhe opozitën” tha Bardhi.
Gazment Bardhi tregoi dhe përplasjen e ashpër në Kuvendin e Shqipërisë ku Basha akuzoi se ishte pjesë e aleancës së kullave, ndërkohë Bardhi nga ana e tij e akuzoi kryetarin e PD-së se ishte pronar i dy kateve në Lion Residence.
“Unë jetoj në apartament 90 metra katrorë. Kam tre muaj që duroj shpifjet e Lulzim Bashës. Nëse dikush vendos të shqyejë gojën me baltë ndaj meje do përballet. Basha erdhi në Kuvend të bëjë betejë me mua. Do marrë përgjigje” tha Bardhi.
