Dy operacione të policisë greke, kanë çuar në arrestimin e dy shtetasve shqiptarë dhe një shtetaseje rumune, të cilët ishin duke transportuar drogë me automjetet e tyre.
Në operacionin në qytetin e Artës, është ndaluar një shqiptar 24- vjeçar, identiteti i të cili ende nuk është bërë i ditur. Në automjetin e 24- vjeçarit është gjetur dhe sekuestruar një sasi kanabisi prej 21.7 kilogramësh.
Ndërkohë në Janinë, autoritetet greke kanë arrestuar një shqiptar 29- vjeçar i cili ishte duke udhëtuar me një shtetase rumune 38- vjeçare. Arrestimi i tyre është bërë pasi nga kontrolli i ushtruar në makinën që udhëtonin, u janë gjetur gjysmë kile heroinë si dhe 54.2 gramë kokainë.
Ende nuk është bërë i ditur identiteti i 29- vjeçarit shqiptar dhe as ai i shtetases rumune.
