Një 24-vjeçar grek i arrestuar dhe një shtetas shqiptar i shpallur në kërkim është bilanci i një operacioni të Antidrogës së Artës, në autostradën që lidh Janinën me Athinën.
Sipas burimeve policore helene, 24-vjeçari po udhëtonte në bordin e një automjeti “Citroen” me targa greke, pronë e shtetasit shqiptar, në momentin kur u ndalua nga agjentët e Antidrogës.
Gjatë kontrolleve të kryera në automjet u gjetën 21.7 kilogramë kanabis, të fshehura në filtrin e ajrit, në pjesën e mbrapme të gomave dhe prapakolpit të makinës.
Menjëherë të riut grek iu vunë prangat, ndërsa shtetasi shqiptar u shpall në kërkim për shkak se rezulton pronar i mjetit, shkruan TCH.
I arrestuari iu tha agjentëve se së bashku me shqiptarin, 38 vjeç, e kishin marrë drogën në kufirin shqiptaro-grek dhe do ta dërgonin atë në Athinë, ku dhe do ta shpërndanin në një nga zonat e konsumit të narkotikëve.
Përveç lëndës narkotike, 4 telefonë celularë dhe automjeti i përdorur u sekuestruan, ndërsa 24-vjecari u la në burg deri në mbylljen e hetimeve.
