Një shkollë e re është duke u rikonstruktuar në Perondi të Kuçovës. Bledi Çuçi ka inspektuar punimet bashkë me kryebashkiakun Kreshnik Hajdari.
“Në kantierin e Shkollës së Mesme të Bashkuar në Perondi, një tjetër investim këtu në Kuçovë, që iu vjen në ndihmë mbi 200 nxënësve dhe mësuesve të kësaj zone. Ambiente plotësisht të transformuara brenda e jashtë, me kabinete mësimore dhe terrene sportive, do të jenë gati për pak kohë teksa punimet po ecin me ritëm të lartë.
Çdo shpenzim që bëhet për shkolla e kopshte, për edukimin e fëmijëve tanë, është një investim për të ardhmen”, shkruan Çuçi, drejtuesi politik i PS në qarkun Berat.
