Një 16 vjeçar duke parë një ndeshje basketbolli në pallatin e sportit ”Asllan Rusi” ka humbur ndjenjat duke u rrëzuar në fushë. Edhe pse është transportuar në spital, 16 vjeçari nuk ka mundur të mbijetojë.
Njoftimi:
Sot më datë 24.02.2024, rreth orës 15:00, te pallati i sportit “Asllan Rusi”, një 16-vjeçar duke parë një ndeshje basketbolli, ka humbur ndjenjat dhe është rrëzuar në fushë, dhe më pas ka ndërruar jetë në spital. Paraprakisht dyshohet se 16-vjeçari ka pësuar arrest kardiak. Grupi hetimor po punon për sqarimin e rrethanave të ngjarjes.
