Seksioni kundër krimit ekonomik e financiar në Drejtorinë e Policisë Gjirokastër ka kallëzuar në Prokurori ish regjistruesin dhe hartografin e Zyrës së Regjistrimit të Pasurive të Paluajtshme në Tepelenë.
Ata akuzohen nga një banor i fshat Memaliaj për regjistrimin e një prone në emër të një personi tjetër, duke e pajisur me tapi. Më poshtë njoftimi i plotë i policisë.
Më datë 11.10.2017, u referuan materialet në Prokurorinë e Rrethit Gjyqësor Gjirokastër, për shtetasit P.M e A.C vjeç 55 e 29, banues në Tepelenë, ish regjistrues e hartograf në ZVRrPP Tepelenë, pasi dyshohet se shtetasi S.Ç, vjeç 77 banues në fshatin Memaliaj, ka kallëzuar se në fshat, në mënyrë të paligjshme kanë regjistruar në emër të një personi tjetër, duke e pajisur me certifikatë pronësie, 5000 m² tokë arë, e përfituar me ligjin nr. 7501, “Për Tokën”. Neni 248 i Kodit Penal.
