Lindshmëria në vendin tonë vijon të bjerë duke ndikuar negativisht në rritjen e popullsisë. Sipas sociologëve ndikimin kryesor në këtë fenomen e ka emigracioni i lartë ndër vite.
Sociologu Zyhdi Dervishi thotë se ndër vite do të kthehet në faktor shqetësuese ndaj kërkon reagim dhe mbështetje financiare për nënat.
Në raportin e INSTAT thuhet se nëntë qarqe të vendit shënojnë rënie të numrit të lindjeve ku Tirana është qarku me numrin më të lartë me 2.126 foshnje të ardhura në jetë në katër mujorin e fundit të vitit të shkuar, ndërsa qarku me numrin më të ulët është Gjirokastra me 104 lindje.
Rënien më të madhe e shënon qarku i Kukësit me 18,8 %.
Referuar statistikave të INSTAT numri i lindjeve për tremujorin e katërt 2023 është 5.857, duke shënuar një rënie me 7,6 %, krahasuar me një vit më parë./Ora News
