Në dosjen voluminoze me mbi 400 faqe të hetimeve të kryera nga autoritetet italiane për bandën e drogës të kryesuar nga shqiptari Moisi Habilaj, i afërm me ish-ministrin e Punëve të Brendshme Saimir Tahiri, përmendet edhe emri i një këngëtari të njohur shqiptar.
Në përgjimet ambientale që autoritetet kanë bërë në bordin e një makinë të drejtuar nga Maridian Sulaj dhe pasagjer shqiptarin tjetër Mariglen Alimucaj, përmendet edhe emri i Ylli Bakës. Ky i fundit është një këngëtar mjaft i njohur në Shqipëri, në rrymën e muzikës popullore, por që ka eksperimentuar edhe me bashkëpunime si ai me Bes Kallakun me këngën e kthyer në hit “Baftjari”.
