Partia Socialiste vijon fushatën e anëtarësimeve të reja. Në Gjirokastër, Mirela Kumbaro thotë se gjatë këtij muaji janë anëtarësuar plot 722 anëtarë të rinj.
Një takim i vecantë ishte organizuar së fundi te Obelisku i qytetit ku ajo shpërndau karta anëtarësimi për të rinjtë. Bashkë me kartën edhe një trëndafil i kuq, lulja që është simbol në logon e Partisë Socialiste.
“Plot me diell, rreth trëndafilit të Partisë Socialiste, u takuam me “trëndafilat” e rinisë gjirokastrite dhe shumë energji të mirë te Obelisku në Gjirokastër, sepse nuk ka si të jetë ndryshe me anëtarët më të rinj të #PS që zyrtarisht morën edhe kartat e anëtarësisë së familjes sonë të madhe. 722 anëtarë të rinj iu shtuan në këtë muaj skuadrës socialiste gjirokastrite. Mirë se erdhët dhe plot punë të mira na presin për ta çuar përpara Gjirokastrën dhe gjithë vendin”, shkruan Kumbaro. Karta anëtarësimi janë dhënë gjithashtu edhe në Bashkinë Libohovë. ©Argjiroja.net
