Kryetari i Bashkisë Gjirokastër, Flamur Golemi, ka folur mbrëmjen e sotme në emisionin “Quo Vadis” në Vizion Plus për sezonin turistik.
Teksa bëri një panoramë të përgjithshme mbi zhvillimin e këtij sektori dhe pritshmëritë për këtë vit, Golemi tha gjithashtu se ka aktualisht 4 kërkesa për “investime strategjike” në Gjirokastër.
Ai nuk dha më tepër detaje se cilat janë subjektet që kanë paraqitur këto kërkesa, por theksoi se Gjirokastra ka tashmë një perspektivë shumë të mirë për zhvillimin e turizmit ndërsa projekti i aeroportit pritet t’i japë një shtysë më të madhe.
Së fundi qeveria zgjati afatin e ligjit për investimet strategjike, si dhe bëri disa ndryshime te kriteret për subjektet që e përfitojnë. ©Argjiroja.net
