Një aksident ka ndodhur mbrëmjen e sotme në vendin e quajtur “Ura e Baltëzës” në Fier. Drejtuesi i mjetit tip “Mercedes Benz” ka përfunduar në kanal dhe në përpjekje për të dalë nga mjeti ishte zhytur në ujërat e tij në gjendje të dehur.
Drejtuesi i mjetit u nxorr nga banorët e zonës dhe më pas është transportuar në spitalin Rajonal të Fierit për të marrë ndihmën mjekësore. Policia thotë se po punohet për nxjerrjen e automjetit nga kanali dhe zbardhjen e rrethanave të ngjarjes.
