Qyteti i Gjirokastrës u trondit mëngjesin e kësaj të mërkure, nga një vrasje e dyfishtë. Ishte ora 07:25 minuta, kur Apostol Kosta vrau me armë dy bashkëshortët, Afërdita dhe Aleko Kost Krimi makabër ndodhi në shtëpinë e tyre, në lagjen “Granicë”.
Burime për Dritare.net thonë se 49–vjeçarja ishte mësuese filloreje, nënë e një djali 19–vjeçar, i cili ndodhej në shtëpi kur ndodhi ngjarja e rëndë.
Viktima e parë ,Aferdita Gjokoli Kosta 49 vjeç, e cila vdiq ne vend, është gjetur në kuzhinë, përmbys e goditur nga mbrapa(shpine). Ne trupin e saj u gjetën 2 predha, njëra prej te cilave i kishte depërtuar ne pjesën e fytyrës (ne sy).
Viktima e dytë Aleko Kosta 66 vjeç ishte ne gjumë, në momentin qe dëgjoi te shtëna u çua dhe u godit ne sallon, ne hyrje te dhomës se gjumit me breshëri plumbash. Ne trupin e tij u gjetën po ashtu 2 predha, njëra ne supin e djathtë dhe njëra ne shpatullën e majtë. Ne vendin e ngjarjes ndodhej edhe djali nga martesa e parë i Aferdita Gjokoli Kosta. Në momentin e ngjarjes ai ndodhej në sallon, pasi doli nga dhoma e ndenjes pa njerkun e tij Aleko Kosta teksa jepte shpirt.
Autori i ngjarjes, Apostol Kosta, 74 vjeç, njëkohësisht djali i xhaxhait te Aleko Kostes nuk ka pasur kurrë probleme apo çrregullime mendore. Ai ka qenë në një konflikt pronësie me viktimën Aleko Kosta prej 3 vjetësh për një mur ndarës midis 2 banesave te ndërtuar prej tij edhe pse me vendim gjykate prona iu dha Aleko Kostes. Autori i ngjarjes Apostol Kosta në vendin e ngjarjes kishte vendosur edhe një granate me qëllimin qe ajo ta shpërthente pasi ai të kishte kryer vrasjen, me qëllimin qe bashke me ta te vdiste edhe ai.
Pasi kreu vrasjen e dyfishte dhe pasi pa qe granata nuk shpërtheu doli nga shtëpia ku kreu vrasjen dhe shkoi ne shtëpinë tij për te vrare veten. Ne momentin qe do vriste veten ishte djali i tij ai qe e pengoi duke shtyre gryken e automatikut, por plumbi arriti ta kapte ne mjekër. Autori i ngjarjes u dërgua me urgjence ne Tirane dhe është jashtë rrezikut për jetën./D.M-Dritare.net
