Influencerja e njohur me origjinë nga Tunizia ka ndërruar jetë pasi dyshohet se pësoi një atak në zemër teksa ishte në një jaht në Maltë.
Farah El Kadhi, 36 vjeç, e cila kishte më shumë se 1 milion ndjekës në Instagram, vdiq në fillim të javës në spitalin Mater Dei rreth orës 6:30 të mëngjesit, raporton Times.
Në mediat e huaja raportohet se ylli i mediave sociale dukej se nuk kishte lëndime të dukshme kur u shtrua në spital, me një hetim magjistral të nisur për të zbuluar shkakun e saktë të vdekjes.
Kadhi ka qenë me pushime në Maltë, ku ka promovuar edhe kompani dhe marka në Instagramin e saj. Postimet e saj të fundit në mediat sociale e shfaqën atë në qytetin e St. Julians, përgjatë bregut verilindor të Maltës dhe në një varkë të ankoruar në marinën Vittoriosa.
Një tjetër influencer, njëkohësisht shoqja e ngushtë e viktimës Soulayma Hneynia konfirmoi vdekjen e Kadhi, duke deklaruar në një ‘story’ në Instagram se shoqja e saj vdiq “në mënyrë paqësore në gjumë”
