Një automjet është përfshirë nga flakët mëngjesin e sotëm në Tepelenë. Sipas informacioneve të para të policisë, ngjarja ka ndodhur në lagjen “Mustafa Matohiti” dhe makina është në pronësi të shtetases Ediola Braha, ish-drejtoreshë e spitalit Tepelenë dhe ish-kandidate e LSI-së për deputete.
Në momentin që është përfshirë nga flakët, automjeti “Benz” me targa AA 400 LH ka qenë i parkuar dhe është djegur pothuaj plotësisht.
Bazuar në hetimet paraprake dhe nga deklarimet e dhëna nga bashkëshorti i Ediola Brahas, dyshohet se mjeti ka marrë flakë aksidentalisht.