Ministrja e Drejtësisë, Etilda Gjonaj ka marrë një vendim të ri lidhur me konkursin e hapur për drejtorët e rinj të hipotekave rajonale.
Sipas ministres në një deklaratë për gazetarët konkursi nuk ka rezultuar i suksesshëm, pasi kandaturat kanë qenë të dobëta. Për këtë, konkursi është rihapur edhe një herë nga e para duke u shtyrë afati i aplikimeve me 15 ditë.
“Nga ky konkurs rezultoi se për shkak të cilësisë së dobët bëj rishpalljen e vendeve vakante duke shtyrë afatin me 15 ditë për 35 zyrtarë rajonale të hipotekës, duke u bërë thirrje profesionistëve që plotësojnë kriteret ligjore në sistemin pronave të konkurrojnë, brenda 15 ditëve dhe të plotësojnë dokumentacionin përkatëse. Jemi të gatshëm dhe garantojmë procesin transpranet dhe meritokratik dhe nuk do ketë asnjë qokë politike. Ti japim fund qokave politike që të rrisim cilësinë e këtij shërbimi. Aktualisht në krye të këtyre institucioneve ka persona të komanduar, pas shkarkimit të drejtësëve të mëparshëm”, u shpreh ministrja e Drejtësisë
