Dega e Omonias në Himarë akuzon qeverinë shqiptare të drejtuar nga Edi Rama, se nuk u ka rinovuar qëllimisht kartat e identitetit më shumë se 6000 himariotëve, pasi sipas tyre, ata mund të votonin për kandidatin e opozitës Petro Gjikuria.
“Qe me nisjen e procesit zgjedhor ne Bashkine Himare, me insistimin e komisionereve te Partise Socialiste, dhjetera zgjedhesve u refuzohet e drejta e votimit me pretendimin e dokumentave te identifikimit te skaduara”, thotë Omonia.
Unioni Demokratik i Minoritetit Grek që promovon të drejtat e minoritetit në jug të Shqipërisë, vijon më tej akuzat kur thotë se kompania shtetërore që prodhon kartat e identitetit, është vënë ditët e fundit në shërbim të Partisë Socialiste, duke u rinovuar kartat e ID vetëm anëtarëve të saj.
Sipas Omonias, qytetarëve të tjerë që janë identifikuar se mund të jenë votues të opozitës, u është thënë se rinovimi i kartave të identitetit do të bëhej brenda 15 ditëve, pra pas datës së zgjedhjeve që është sot.
“Ne total, nga 23074 zgjedhes te rregjistruar, 6157 jane apriori te privuar nga e drejta e zgjedhjes me vendim dhe pergjegjesi te Qeverise Rama”, vijon deklarata.
Deklarate për shtyp datë 4 Gusht 2024 – Omonia Dega Himare
Qe me nisjen e procesit zgjedhor ne Bashkine Himare, me insistimin e komisionereve te Partise Socialiste, dhjetera zgjedhesve u refuzohet e drejta e votimit me pretendimin e dokumentave te identifikimit te skaduara.
Ne kundershtim me praktikat e aplikuara ne proceset e meparshme zgjedhore, Kryeministri Rama refuzoi te nxjerre aktet perkatese ligjore qe do te garantonin te drejten e votes per te gjithe zgjedhesit.
Kompania shteterore e prodhimit te kartave te identitetit, ishte vene gjate diteve te fundit ne sherbim te Partise Socialiste, duke u sherbyer qytetareve ne menyre selektive. Anetareve te PS u rinovoheshin dokumentet ne menyre te organizuar brenda 24 oreve, ndersa qytetareve te tjere u kerkohej te paraqiteshin pas 15 ditesh.
Ne total, nga 23074 zgjedhes te rregjistruar, 6157 jane apriori te privuar nga e drejta e zgjedhjes me vendim dhe pergjegjesi te Qeverise Rama.
