Një grua rreth 70 vjeç ka humbur jetën në Vlorë. Sipas njoftimit të policisë mësohet se e moshuara, identiteti i të cilës ende nuk dihet ka pësuar arrest kardiak teksa ishte duke u larë në det.
Ngjarja ka ndodhur në lagjen “Uji i Ftohtë”, ndërkohë grupi hetimor po punon për sqarimin e plotë të rrethanave të ngjarjes dhe për identifikimin e shtetases që ka humbur jetën.
“Sot, në lagjen “Uji i Ftohtë”, dyshohet se ka pësuar arrest kardiak në det, dhe për pasojë ka humbur jetën, një shtetase ende e paidentifikuar rreth 70 vjeçe.
Grupi hetimor po punon për sqarimin e plotë të rrethanave të ngjarjes dhe për identifikimin e shtetases që ka humbur jetën”, njofton Policia.
