Tritan Shehu ka nisur takimet në qarkun Gjirokastër për t’u bërë gati për zgjedhjet e radhës edhe pse humbet prej 10 vitesh në mënyrë sistematike. Nëse sheh fotot e publikuara në faqen e tij në Facebook, shumica qëndrojnë me kokë ulur sepse thellë brenda vetes kushdo prej tyre e kupton që Tritan Shehu është thjesht një “kal i ngordhur” politik që nuk mund ta udhëheqë dot PD-në e vitit 2024. Ai është aty sërish drejtues politik si pazar me Sali Berishën për të mbajtur sërish në Kuvend gardën e vjetër të besnikëve të tij. E pakuptimtë se si disa burra e gra me thinja në kokë shkojnë akoma nëpër takime për të dëgjuar pallavrat e Tritan Shehut. Në reagimin e tij bashkë me fotot e publikuara, Shehu thotë se “kryefjala ishte rezistenca ndaj regjimit”, por përmend vetëm Gjirokastrën, Memaliajn, Përmetin dhe Tepelenën. Me siguri dy bashkitë e tjera të qarkut, Libohova e Dropulli s’kanë asnjë kundërshti me regjimin e Ramës ose Tritan Shehu s’ka gjetur më aty asnjë demokrat që i shkon nëpër takime. ©Argjiroja.net
