Një poster gjigant ka pritur socialistët sot në Elbasan. Ndërsa Kryeministri duket me një libër me logon e BE në duar, i rrethuar nga disa qen që lehin mes zjarrit, në poster shkruhet “Lehjet e fundit para se Shqipëria të hyjë në Europë”.
Grupi Parlamentar i Parlamentar i PS është mbledhur sot ne Elbasan.
Mbledhja është hapur nga Kryetari i Grupit Parlamentar Niko Peleshi i cili është fokusuar mbi sfidat e këtij sesioni parlamentar, sipas gazetares së Top Channel, Bruna Kërçyku.
Po ashtu janë duke mbajtur fjalën e tyre kryetarja e Kuvendit, Elisa Spiropali dhe Ministri i Shtetit për Marrëdhëniet me Parlamentin, Taulant Balla.
Mësohet gjithashtu se deputetët do të njihen me punën e deritanishme të Komisionit Antikorrupsion dhe komisionit të Dezinformimit.
Takimi gjithashtu do të fokusohet tek strategjia e komunikimit dhe marrëdhënies me qytetarin.
Po ashtu si porosia për ministrat, edhe deputetët duhet të fokusohen në komunikimin e tyre me qytetarin përballë por edhe përmes rrjeteve sociale.
Një çështje e rëndësishme diskutimi në mbledhjen e grupit Parlamentar të PS është edhe integrimi i Shqipërisë.
