Eksperti i kriminalistikës, Ervin Karamuço ka bërë një paralajmërim duke thënë se shumë shpejt SPAK do të zhvillojë një tjetër operacion.
Ai madje ka bërë një deklaratë të fortë duke thënë se dosja në SPAK që zbërthen mesazhet e SKY ECC mund të sjellë një “katastrofë të madhe” në politikë, media dhe krim.
Po ashtu eksperti ka deklaruar se prokurorët e SPAK janë kërcënuar për shkak të disa dosjeve kriminale që po hetojnë.
“Kanë më shumë nga kriminelë dhe banditë, brenda dhe jashtë burgut, që janë në kërkim ndërkombëtar dhe janë në Shqipëri. Këta po i rrezikojnë shumë Prokurorët e SPAK dhe mund të bëjnë dhe sulm, jo politikanët. Nuk do jetë e largët dita kur të ketë rrezik real, sepse po nxehen dosjet në SPAK.
Janë me miliona mesazhe që kërkon tre SPAK të tjerë për t’u marrë me SKY, më shumë se çfarë dimë. Po u zbërthye SKY do ketë një katastrofë të madhe, në polikë, media, krim. Ka sinjale që janë nën kërcënim të vazhdueshëm, pritet këto ditë se do të ketë operacione të tjera”, tha eksperti për “Top Story”.
Po ashtu analisti Arian Curri ka thënë se një gjyqtar i Gjykatës Kushtetuese po kërcënohet me disa kontakte dhe biseda të papërshtatshme me femra.
Këtë gjë e ka pohuar edhe Karamuco, i cili tha se se nëse këto biseda të karakterit privat sensitiv, kanë prekur dhe ndikuar në detyrë, ai duhet të japë dorëheqjen.
Curri: Keni dijeni për një gjyqtar në Kushtetuese, në detyrë, shantazhohet me kontakte personale të papërshtatshme me femra…?