Procesi i përzgjedhjes së drejtuesve të rinj të spitaleve në vend po shkon drejt fundit.
Pas mbylljes së aplikimeve dhe testimit me shkrim, është finalizuar edhe intervistimi i secilit kandidat.
Sa i përket spitalit rajonal ‘Omer Nishani’ në Gjirokastër, burime të rezervuara i thanë ArgjiroLajm.net se kandidati i përzgjedhur për drejtor është ekonomisti Alfred Bita.
Megjithatë kjo mbetet për t’u zyrtarizuar në ditët e ardhshme, pasi procesi nuk është përmbyllur ende dhe nuk përjashtohen surprizat e minutave të fundit.
Konkurenti tjetër direkt është mjeku Miri Mahilaj, ndërsa konfirmohet si jo fitues kandidati Fadil Bojo.
©ArgjiroLajm.net
