Mbledhja e të ardhurava nga bashkitë vazhdon të mbetet ende një problem shqetësues në Shqipëri. Por ka edhe përjashtime nga ky ‘rregull’. Është fjala për Bashkinë Tepelenë, e cila pretendon se i ka realizuar të ardhurat për vitin 2017 në masën 105%. Shifra konfirmohet nga nënkryetari i bashkisë, Spiro Kora.
“Një nga masat që mori kryetari i Bashkisë ishte krijimi i Drejtorisë së Zhvillimit Ekonomik dhe Menaxhimit Financiar. Për periudhën që ne flasim, si periudhë tetë mujore, Bashkia i ka realizuar të ardhurat në masën 105%’, tha nënkryetari Kora për Top Channel.
Ky tejkalim plani për të cilin po flet nënkryetari i Bashkisë Tepelenë, të sjell në kujtesë tejkalimet e dikurshme të planeve ekonomike në kohën e komunizmit, ku natyrisht kishin më shumë propagandë sesa vërtetësi. Sidoqoftë, ndoshta ky nuk është rasti për të paragjykuar punën e Bashkisë Tepelenë. Mund t’i ketë mbledhur të ardhurat në masën 105% aq sa pretendohet dhe në këtë mënyrë Tërmet Peçi surprizon sërish…
©ArgjiroLajm.net
