Një i ri nga fshati Kalivaç i Memaliajt është kallëzuar në Prokurorinë e Gjirokastrës, pasi policia ka gjetur në një lokal të administruar prej tij një shiringë të dyshuar me vaj të kanabisit.
“Më datë 09.11.2017, u referuan materialet në Prokurorinë e Rrethit Gjyqësor Gjirokastër, për shtetasin E.I, vjeç 26, banues në fshatin Kalivaç, Memaliaj, pasi dyshohet se më datë 08.11.2017, rreth orës 20:30, në lagjen “18 Shtatori”, Gjirokastër, në një lokal në administrim, iu gjet një shiringë e mbushur me lëndë e dyshuar narkotike si ajo e vajit të Cannabis Sativa. Neni 285/b i Kodit Penal”, thotë policia e Gjirokastrës përmes një njoftimi për media.
