Një i moshuar i azilit në qytetin e Gjirokastrës është rrëzuar nga shkallët teksa po ngjitej për në katin e dytë. Policia njofton se ai ka pësuar disa fraktura të rënda, por fatmirësisht ndodhet jashtë rrezikut për jetën.
“Më datë 08.11.2017, rreth orës 21:30, në shtëpinë e të moshuarve, shtetasi A.B, vjeç 65, banues në Gjirokastër, duke ecur për në katin e dytë, është rrëzuar nga shkallët e brendshme të banesës dhe ndodhet në spital jashtë rrezikut për jetën. Materialet u referuan në Prokurorinë e Rrethit Gjyqësor, për ngjarje aksidentale”, thuhet në njoftimin e policisë. ©ArgjiroLajm.net
