Historiani Arben Llalla, i njohur për qëndrimet e tij antigreke, ka sulmuar gjatë ditës së sotme edhe zv.ministren e Jashtme të Shqipërisë, Artemis Dralo. Ai thotë se Dralo gjendet në Kretë për bashkë me ministrin Bushati, për të mbrojtur çështjet shqiptare përballë Greqisë.
“Kjo është grekja Artemis Dralo që mban postin e zv/ministre e jashtme e Shqipërisë, gjendet prej disa ditësh në Kretë bashkë me Ditmir-Dhimitër Bushatin për të mbrojtur çështjet shqiptare përballë Greqisë së Nikos Kotzias. Çfarë e ka gjetur racën shqiptare që të mbrohet nga grekët përballë grekëve?’, shkruan Llalla në faqen e tij në Facebook.
Por në fakt informacioni i tij është i gabuar, pasi zv.ministrja Artemis Dralo nuk udhëtoi drejt Kretës me delegacionin shqiptar. Ajo ndodhet prej dy ditësh në Dibër, ku qeveria zhvilloi mbledhjen e radhës, si dhe organizoi disa takime me qytetarët.
©ArgjiroLajm.net
