Socialistët në Gjirokastër janë në fushatë për zgjedhjet e 11 majit. Drejtuesja politike në këtë qark, Mirela Kumbaro, veç takimeve me strukturat e partisë për organizimin elektoral e sidomos votën e diasporës, zhvillon gjithashtu takime derë më derë.
PS shkon në këto zgjedhje me synimin për të ruajtur rezultatin e vitit 2021, kur fituan 3 nga 4 mandatet për deputetë.
Sigurisht, me Tritan Shehun në krahun tjetër si relike të Berishës, gjasat janë që asgjë të mos ndryshojë në rezultat nga 4 vite më parë.
PS e ka gati listën e kandidatëve, mbetet vetëm zyrtarizimi brenda 10 ditëve të para të muajit mars. ©Argjiroja.net
