Kryeministri Edi Rama, njëherësh kryetar i PS gjatë takimit me asambletë socialiste të njësive 8, 9, 11 tha se 11 maji është një datë historike për të gjithë shqiptarët.
Ai tha se kjo ditë historike do t’i japë Shqipërisë mundësinë për të hyrë në Bashkimin Europian. Rama tha se PS kërkon mandatin e katërt për të çuar përpara ëndrrën e shqiptarëve, ëndrrën të cilën politika ua ka borxh brezave.
Ai tha se hyrja në BE do të jetë ngritja e dytë e flamurit, pas atij të Pavarësisë në 28 nëntor të 1912-ës.
“Është e pakrahasueshme t’i kemi fëmijët e këtij vendi me statusin aktual dhe me statusin europian, dhe kjo vlen për të gjitha nivelet. Kjo ëhstë arsyeja pse zgjedhjet e 11 majit janë historike për Shqipërinë. PS duhet të përmbushë këtë mision, sepse ky mision është pa asnjë ekzagjerim, ngritja e dytë e flamurit kombëtar. Herën e parë u ngrit flamuri për rtu pavarësuar dhe për tu bërë shtet më vete, këtë herë na jepet ne që të ngremë flamurin për tu bashkuar njëherë e mirë, me europën që na mbajti të ndarë shekujt, dhe për t’i dhënë njëherë e mirë brezave të ardhshëm disa garanci, të cilat nuk ja jep dot askush tjetër përveçse BE, që janë liria individuale, sundimi i ligji dhe barazia para ligjit, dhe standardet demokratike të bashkëjetetësës. Këto vetëm në Be janë të garantuara. BE ka dy kategori vendesh, kontribuese që janë vendet e pasura, dhe vendet ëprfituese që janë vendet e reja, të cilat marrin nga arka e përbashkët të cilat marrin për tu bërë si të tjerët. Kjo është arsyeja pse vendet që kanë hyrë në BE aps rënies së komunizmit janë ku e ku më lart. Nëse ne kemi bërë gjithë këto vepre infrastrukture, me hyrjen në BE mundësitë për të bërë infrastrukturën shumëfishohen. Nëse kemi bërë çmos për të rritur mundësinë për bujqit dhe fermerët, mundësitë për ta pas hyrjes në BE shumëfishohen. Nëse duam të kapim trenin e zhvillimit është e pamundur nëse nuk futemi në BE,. E njëjta gjë vlen për të gjitha fushat. Fondet e BE janë të pagjetshme dhe të pasigurueshme askund tjetër nëse nuk nuk je anëtar ia saj familjeje, pra është njësoj si të hysh nuse apo dhëndër në një familje shumë të madhe mbasi ke qenë jetim. Ky është 11 maji për fëmijët tanë, ky është 11 maji për të gjithë ata që janë aktiv, pasi na duhen 2026 dhe 2027 për të mbyllur negociatat për të futur Shqipërinë në BE”, tha Rama.
