Një ditë pas dorëheqjes së Ahmet Çabejt nga posti i drejtorit të Tatim-Taksave në Gjirokastër, nesër pritet të emërohet drejtori që do ta pasojë në atë institucion. Burime të rezervuara të ArgjiroLajm.net thonë se ministri i Financave, Arben Ahmetaj nesër do të firmosë për emrin e Ilir Metajt. Ky i fundit deri më tani ka mbajtur postin e drejtorit të Kontrollit Tatimor në Gjirokastër.
Ndonëse pritet vetëm zyrtarizimi i këtij emërimi ditën e nesërme, nuk është e qartë ende nëse Ilir Metaj është tërësisht një emër i përzgjedhur nga Arben Ahmetaj apo ka ardhur si propozim i tre deputetëve të qarkut; Bledi Çuçi, Mirela Kumbaro dhe Flamur Golemi.
Por mund të jemi edhe para një rasti tjetër, kur Metaj të emërohet drejtor i Tatim Taksave në Gjirokastër, pa patur një lloj pëlqimi paraprak nga tre deputetët e qarkut, siç ndodh shpesh në emërime të tilla zyrtarësh të rëndësishëm. Kjo do të shihet në ditët e ardhshme.
©ArgjiroLajm.net
