Ishte kthyer në tmerrin e banorëve të Finiqit pasi u plaçkiste banesat në seri, arrestohet në flagrancë 42-vjeçari i dyshuar.
Specialistët për Hetimin e Krimeve në Komisariatin e Policisë Sarandë bënë sot me dije se prangosën të dyshuarin A. S., banues në Finiq, pasi u kap në flagrancë duke vjedhur në banesën e një banori në fshatin Metoq.
“Gjithashtu dyshohet se është autor edhe i tre vjedhjeve të tjera të ndodhura në territorin e Bashkisë Finiq”, konfirmoi policia, teksa hetimet për të zbuluar raste të tjera vijojnë. Dosja i kaloi prokurorisë vendore për veprime të mëtejshme.
